Без тебе сум брод што тивко плови во неповрат

Остров на сред океан

Бродолом од кој нема спас

Едро без сидро

Светилник без светло

Плима без осека

Небо без ѕвезди

Капетан без посада

Без тебе за мене нема мирно море

Само виори и понори

Карпи и насукувања

Потонувања и пропаѓања

Без тебе сум компас без север и југ

Исток и запад

Чамец без весла

Брод кој плови без дестинација

Пристаниште без локација

Без тебе сум изгубена констатација

Без тебе сум море без сол

Морнар полн бол

Без тебе нема ни изгрев ни залез

Ни ѕвезда северница 

Ни пат ни патоказ

Без тебе денот нит се раѓа 

Нит умира

Без тебе нит пловам нит тонам

А само тебе те сонам

Без тебе морето нема сол

А пловам низ целиот овој бол

Без тебе залудно барам

Љубов да дарам

Без тебе не постои должина ни ширина

Целиот мој бол е само збирина

Без тебе сум вејка на ветрот

Брод без палуба

Знам само за загуба

Без тебе пловам без знаме 

Во води бурни

И зори тмурни

Од бол во бол

Во понор зол

Без тебе се барам себе 

А те наоѓам тебе

Без тебе не знам да пливам

И без траг во неповрат се сливам

Без тебе животов нема смисла

Затоа што ти си ми единствена мисла

Без тебе ме носат ветрови

Во непознат правец

По бурни води 

И црни ноќи 

А срце ги моли 

Водите золи

Вратете ме 

Крај неа уште еднаш

Сега веднаш

Да ја бакнам на усни медени

Ќе пловам и низ води заледени

Без тебе не можам јас

Ти си мојот спас